رۆژنامه‌كه، ئاماژه به‌وه ده‌دات، كه خۆكوژه‌كانی داعش پێش ئه‌وه‌ی خۆیان بته‌قێننه‌وه، له ژووری ژماره 262ی هوتێل نه‌ینه‌وا له شاری موسڵ، ده‌مێننه‌وه.
به‌پێی زانیارییه‌كانی رۆژنامه‌كه، هوتێل نه‌ینه‌وا كه رۆژنامه‌كه وه‌سفی ده‌كات به‌وه‌ی باشترین هوتێله له عیراق، مه‌له‌وانگه و یاریگای تێنس و ۆهڵێكی پێشوازی مۆدێرن و باخچه‌ی رازاوه كه ده‌ڕوانێته سه‌ر رووباری دیجله، له خۆ ده‌گرێت.
یه‌كێك له گه‌شتیارانی ئه‌و هوتێله ، كه خه‌ڵكی وڵاتی ئیماراته و له ساڵی 2013 پێش ئه‌وه‌ی داعش ده‌ستی به‌سه‌ردا بگرێت له‌و هوتێله ماوه‌ته‌وه، ده‌ڵێت :" هوتێل نه‌ینه‌وا، باشترین هوتێله له عیراق و زۆر جوانه".
داعش وێنه‌ی یه‌كێك له چه‌كداره‌كانی به ناوی "ئه‌بو مریه‌م فه‌ڕه‌نسی" بڵاو ده‌كاته‌وه، كه له هوتێله‌كه‌دا دانیشتووه، پێش ئه‌وه‌ی بچێته ناو ئۆتۆمبیله بۆمبڕێژكراوه‌كه‌ی بۆ خۆته‌قاندنه‌وه.
