لیز گراند رێكخه‌ری نه‌ته‌وه یه‌كگرتووه‌كان بۆ كاروباریی مرۆیی له عیراق، رایگه‌یاند: "ئه‌گه‌ر به‌شێوه‌یه‌كی خێرا كۆمه‌كه داراییه‌كانیان پێنه‌گات، ناچار ده‌بن زۆربه‌ی پرۆسه مرۆییه‌كان بۆ یارمه‌تیدانی ئاواره‌كان له عیراقدا رابگرن".
رێكخه‌ری نه‌ته‌وه یه‌كگرتووه‌كان بۆ كاروباریی مرۆیی له عیراق، وتیشی: "بۆ دابینكردنی جێ داڵده و خۆراك و ئاو بۆ شه‌ش مانگی داهاتوو بۆ چه‌ندان ملیۆن ئاواره‌ی عیراقی، پێویستمان به 497 ملیۆن دۆلار ده‌بێت".
گراند له‌كاتی پێشكه‌شكردنی داواكارییه‌كه‌دا له په‌رله‌مانی ئه‌وروپا وتی: " ره‌وشی مرۆیی له شه‌ش مانگی داهاتوودا روو له خراپبوون ده‌كات و پێده‌چێت ده ملیۆن عیراقی پێویستیان به جۆرێك له یارمه‌تی ببێت بۆ رزگاركردنی ژیانیان".
نه‌ته‌وه یه‌كگرتووه‌كان ده‌ڵێت، به‌هۆی توندوتیژی و هێرش و په‌لاماره‌كانی رێكخراوی تیرۆرستی داعش، نزیكه‌ی سێ ملیۆن عیراقی، شوێنی نیشته‌جێبونی خۆیان جێهێشتووه و ئاواره بوون.
